Sadhana (contd). Pranayamamu

 ప్రాణాయామము

ప్రాణాయామము అనగా ప్రాణము యమింపబడుట. ప్రాణము యమింపబడుటకు శ్వాసనిబద్ధము కావలెను.
శ్వాసను క్రమబద్ధముగా నిర్వర్తించుటకు ,ఉఛ్వాసముతోపాటు మనసు అంతర్ముఖముగా పయనించి ఉచ్వాస కొనకు చేరవలెను. ఉచ్వాసకొనన  నిశ్వాస ప్రారంభమగును. నిశ్వాసను మరల అనుసరించుచు మనసు నిశ్వాస కొనను చేరవలెను. ఇట్లు మనసును శ్వాసపై లగ్నము చేయవలెను. ఈ  అభ్యాసము మొదటిమెట్టు.
మనసును శ్వాసపై లగ్నము చేసి ' శ్వాసను నెమ్మదిగా పీల్చుట ' అభ్యాసమున రెండవమెట్టు.
శ్వాసను నెమ్మదిగను, పూర్ణముగను,పీల్చుట వదులుట ప్రతిశ్వాసయందు నిర్వర్తింపబడుట  మూడవమెట్టు.
ఈ  మూడవనియమముననే  శ్వాస క్రమబద్ధమగును. సృష్టియందలి క్రమమే క్రతువు. శ్వాసను క్రమబద్దము
చేయుట అనగా వక శ్వాసకు ఎంతకాలము పట్టునో, తరువాతిశ్వాసలకుగూడ అంతేకాలముపట్టవలెను.
ఇది నాలుగవ నియమము. ప్రతి దినము సాధకుని సౌకర్యమునుబట్టి  వకేకాలమున  ప్రాణాయామము నిర్వర్తించుట అయిదవ నియమము. ప్రతి మూడు శ్వాసలు వక  విభాగముగా భావించుచు
తొమ్మిది విభాగములుగా ఇరువదిఏడు  శ్వాసలు నిర్వర్తించుకొనుట వకశ్వాస విభాగముగా గుర్తించవలెను.
క్రమముగా దీనిని మూడురెట్లు పెంచుకొనవచ్చు ను. (27*3=81) . ఇచట కాలమునకు శ్వాసలే కొలతగాని,
గడియారముకాదు.
ఇది ప్రాణాయామయజ్ఞమునకు వక  పరిచయము.
BY MASTER K P K
NAMASKARAMS MASTER(4/70)